ఆగ్రో ప్రోసెసింగ్ పరిశ్రమలు - 2

ఇంతకు ముందు టపాలో  చెప్పిన్నట్లు గా ఈ రంగంలోని పరిశ్రమల గురించి  ఒకదాని తర్వాత ఒకటి క్లుప్తంగా చుద్దాం. 

వ్యవసాయ ఆధారిత పరిశ్రమలలో పసుపు , మిరప ఉత్పత్తుల ప్రోసెసింగ్ ని విడివిడిగా చేసి లాభాలను పొందుతున్న వ్యవసాయ / వ్యాపారస్తులు ఉన్నప్పటికీ ఈ రెండూ కలిపి ఎన్నుకోమని ఈ రంగంలోని నిపుణులు  ఔత్సాహికులకి సలహా ఇస్తారు. 

మనదేశంలో ఈ రెండు పంటలకి సంబంధించిన మార్కెట్ అతి పెద్దది. 

భారతీయ జీవన విధానంలో ఆహారపరంగానూ, వైద్యపరంగానూ పసుపుకి 

పెద్ద స్థానమే ఉంది. పసుపు, మిరప మన వంటల్లో ఎక్కువగా వాడే 

నిత్యావసర దినుసులలో ఒకటి అని చెప్పచ్చు. ఈ రెండు దినుసులు 

గృహావసరాలలో మత్రమే కాకుండా వ్యాపార సంస్థలకి కూడా 

అవసరపడతాయి. వ్యాపార ధృక్పథంతో పచ్చళ్ళు , పొడులు , మొదలగు 

ఆహార ఉత్పత్తులని తయారుచేసే సంస్థలకి కూడా వీటి అవసరం వుంటుంది. 

విస్తారమైన మార్కెట్ అవకాశాలు ఉన్న ఈ రంగంలో అవకాశాలని 

అందిపుచ్చుకోవాలంటే శ్రమ, నిజాయితీ అవసరం. కొత్తగా ఈ రంగంలోకి 

వచ్చిన సంస్థలు,  చిన్నపెట్టుబడిదారులు  సెమి అర్బన్ ప్రాంతాల నుంచి 

మొదలు పెడితే సులభంగా మార్కెట్ ని అందుకోవచ్చును. మార్కెట్ ఎక్కువ వలన లాభావకాశాలు సహజంగానే ఎక్కువగా  వుంటాయి.

ఈ పరిశ్రమని స్థాపించాలంటే Food safety and standard regularity  వారి 

నుంచి ధ్రువీకరణ పత్రం ( లైసెన్సులు) పొందాల్సి వుంటుంది. దీనితో పాటు ISI, ISO, AGMARK వంటి గుర్తింపులు బ్యాంక్ నుంచి ఋణం పొందటం 

లోనూ, మార్కెటింగ్ లోనూ ఉపయోగపడతాయి.