వచ్చిన వారు

Thursday, November 14, 2019

అంకుర సంస్థల (start-up enterprises) స్థాపన – 2



ముందుభాగం 

              



వ్యాపారం కానీ పరిశ్రమలు కానీ స్థాపించాలంటే మూలధనం సమకూర్చుకోవడం తో పాటుగా ప్రభుత్వం వద్ద నుంచి ఆయా వ్యాపారాల కి తగిన లైసెన్స్ లు మరియు అనుమతులు మంజూరు కావాలి. మూలధన సమీకరణ కొరకు బ్యాంకుల వద్దకి వెళ్ళాలి. ఇవన్నీ సమకూరాక వ్యాపారాన్ని సమర్ధవంతంగా నిర్వహించుకోవాలి. ఈ ప్రోసెస్ లో జరిగే కాలయాపన వలన కావచ్చు, సమాచార లోపం వలన కావచ్చు, చాలామంది ఔ త్సాహికులైన యువత ఈ రంగంలోకి రావడానికి వెనకడుగు వేస్తున్నారు.

మన  జిడిపి లో సేవారంగం వాటాతో పాటు సెర్వీసెస్ రంగం వాటాని పెంచవల్సిన ఆవశ్యకతని మన ప్రభుత్వం  గుర్తించింది. వ్యాపారరంగ అభివృద్ధి కొరకు చిన్న మధ్యతరహా పరిశ్రమల  అభివృద్ధి కొరకు ప్రభుత్వం తరఫున ప్రోత్సాహకాలు  ఇవ్వల్సిన అవసరం ఉందని గుర్తించి ఆ రంగం లో ఎన్నో మార్పులు, చేర్పులు చేసారు. 


వ్యాపారసంస్థ ప్రారంభం అనుకున్నంత కఠినతరం కాదు. అంకుర సంస్థను ప్రారంభించటానికి అనుసరించాల్సిన పద్ధతులు , తీసుకోవాల్సిన అనుమతులు, ఋణసదుపాయం కోసం సంప్రదించాల్సిన బాంకుల వివరాలు ... అసలు ప్రాధమికంగా ప్రస్తుతం ఏయే పథకాలు ఉన్నాయి ?  అవి సబ్సిడీలు  ఎలా ఇస్తున్నాయి అన్న విషయాల మీద అవగాహన పెంచుకోవాలి. ఈ అంశాల మీద పట్టు మనకి వ్యాపార ప్రారంభానికి ఊతం  అవుతుంది. .

      
        ఇక వచ్చే  పోస్ట్ లలో ఈ విషయాలన్నీ పరిశీలిద్దాం. ఈ పోస్ట్ ల యొక్క ముఖ్య ఉద్దేశ్యం యువతకి సరైన సమాచారం అందిచడం. దానివల్ల ఔత్సాహికులు ప్రభుత్వ పథకాల్ని మరియు మార్కెట్ లో ఉన్న అవకాశాలని అందిపుచ్చుకునే అవకాశం ఉంది. 

ఇంకా ఉంది. 


Sunday, October 20, 2019

అంకుర సంస్థల (start-up enterprises) స్థాపన – 1





అంకుర సంస్థల స్థాపన 1
(start-up enterprises 1)

భారతదేశం అభివృద్ధి చెందుతున్న దేశం. పారిశ్రామికంగా మన దేశం అనుకున్నంత వేగంగా అభివృద్ధి చెందకపోవడానికి కొన్ని సామాజిక కారణాలు కూడా ఉన్నాయి. వాటిల్లో ముఖ్యమైనవి, వ్యాపారం చేయాలని అనుకుంటున్నవారు, ఆర్ధిక భద్రత  ఉండదని భావించటం, గతంలో వ్యాపారం చేసి నష్టపోయిన వాళ్ళని చూసి భయపడటం,  వ్యాపారం ప్రారంభించడానికి, అది లాభాల బాట పట్టేదాక నిలదొక్కుకోవడానికి తగినంత ఆర్ధిక స్తోమత లేకపోవడం, ఉద్యోగంలో బధ్రత అంటే, నెలవారీ జీతం, పెన్షన్  స్థిరంగా ఉండవనే అభిప్రాయం,  జాబ్ సెక్యూరిటీ లేకపోవడం, వ్యాపారాలలో వచ్చే ఒడిదుకులని అధిగమించలేరనే భయంతో పెద్దవాళ్ళు వారించటం వంటివి. కారణాలు ఏవైనా, మన దేశంలో చాలా మంది జాబ్ సెక్యూరిటీకే అధిక ప్రాధాన్యత ఇస్తారు. చదువుకి, ఉద్యోగానికి ప్రోత్సాహమిచ్చే తల్లితండ్రులతో పోలిస్తే వ్యాపారానికి ఎంకరేజ్ చేసే పేరంట్స్ చాలా తక్కువ. మన విద్యా విధానం కూడా అందుకు అనువుగా లేదు.  ఒక ఎంట్రప్రినియర్ గా స్థిరపడాలంటే మిగిలిన సవాళ్ళతో పాటు వీరిని ఒప్పించడం కూడా ఒక సవాలే నేటి తరానికి.

 ఈ సామాజిక సమస్యలకి  కారణాలు  ఏమిటి ???

కేవలం అవగాహనా లోపం, మార్పుని ఒప్పుకోలేకపోవడం, మార్పుని ఒప్పుకుంటూ, నైపుణ్యాలు పెంచుకుంటూ పోతే ఏ రంగంలో అయినా విజయం సాధించవచ్చు.  కానీ ఎలా ???  ఒక ఉద్యోగానికి అప్ప్లై చెయ్యాలంటే ఇన్ని ప్రశ్నలు ఉండవు. ఎందుకంటే ఆ రంగం ఒకరు నడిచిన దారి. ఒక వ్యాపారానికి మాత్రం ఈ ప్రశ్నలు ఉంటాయి. ఎందుకంటే అది మీరు వేసే దారి. మీతో పాటు పదిమందిని నడిపించే దారి. చాలా మందికి అనిపించవచ్చు, ఎందుకు ఇంత రిస్క్ చేసి ఈ  రంగమే ఎంచుకోవాలి ? అని... అసలు వ్యాపార రంగం చుట్టూ ఎందుకింత భయాలు, అపోహలు ఉన్నాయి. వీటికి సంబందించి సాంకేతిక కారణాలు ఇప్పుడు పరిశీలిద్దాం. 
 ఒక దేశం ఆర్ధికంగా అభివృద్ధి  చెందాలంటే పరిశ్రమల స్థాపన , వ్యాపారాల స్థాపన అత్యవసరం. వీటి వలన ఉపాధి అవకాశాలు, ప్రజల ఆర్ధిక ప్రమాణాలు పెరుగుతాయి. తద్వారా ప్రజలకి క్వాలిటీ లైఫ్ అందుబాటులోకి వస్తుంది. అయితే అన్ని దేశాలలో వీటికి పరిస్థితులు అన్నీ అనుకూలంగా ఉన్నయా అని ప్రశ్నించుకుంటే లేదనే సమాధానం వస్తుంది.  ముఖ్యంగా అభివృధ్హి చెందుతున్న దేశాల సరసన ఉన్న భారతదేశంలో పరిశ్రమల స్థాపనకి, వ్యాపారాల స్థాపనకి ఉన్న అవకాశాలేమిటి ? అడ్డంకులు ఏమిటి ?  వీటికి గల సామాజిక మరియు ఆర్ధిక కారణాలు ఇప్పుడు పరిశీలిద్దాం. మెరుగైన అవకాశాలు, దానికి ప్రభుత్వం అందిస్తున్న సహాయ సహకారాలు తెలుసుకుందాం. సంప్రదాయ ఉద్యోగాల మీద ఆసక్తి లేని యువతకి ఏ ఏ మార్గాలున్నాయన్న విషయాలు చర్చిద్దాం. విజయవంతమైన వ్యవస్థాపకులుగా మన కొత్త తరాన్ని తీర్చిదిద్దుకునేందుకు ఏం చెయాలన్నది పరిశీలిద్దాం.
...ఇంకా ఉంది